Rêveberiya Giştî ya Bendava Firatê ragîhand ku kar û xebatên çêkirina mîkanîkî ya pîka 7’an a beraca ceyranê ya Bendava Firatê ku ji aliyê çeteyên DAIŞ’ê hatibû xirkirin, bi dawî bû.
Li gorî raporên berê yên derbarê pîkên beraca Bendava Firatê yên çêkirina ceyranê, pîka 7’an a herî zêde ziyan tê de çêbibû. Pîka 7’an ji 8 pîkên bendavê ya 4’an e ku tê temîrkirin. Di 8 mehên derbasbûyî de ekîban karîbûn 3 pîkan çêbikin, niha bi ye 7’an jî bû ya 4’an. Niha jî ekîbên pspor hewl didin ku saxlemiya wê û tevgera wê di dema xebitandinê de kontorl bikin.
Niha jî xebatên fenî têne amadekirin û êdî xebatên beşê din hatine destpêkirin. Lê ji ber dewleta Tirk ava Firatê qut dike, ev jî bandorê li ser xebatên hemû pîkên çêkirina ceyranê yên Bendavê dike.
JI ber vê yekê Rêveberiya Bendava Firatê saetên bikaranîna pîkên bendavê kêm kirine. Li Tebqayê di meha Remezanê de saetên bikaranîna pîkan hinekî hatiye zêdekirin, da ku zehmetiya welatiyan hinekî hêsan bibe.
Pîka 7’an a Bendavê jî çêbû
