Li Dêra Zorê ku bejahiyek wê li ber rizgarkirinê maye, hemwext hemleyên rizgarkirinê hêzên QSD’ê rêxistin û disiplîna leşkerî didomîne. Akademiya Displîna Leşkerî yekem dewreya displîna leşkerî bi tevlîbûna 26 endaman bi merasîmekê bi dawî kir.Dewreya bi navê “Şehîd Harûn Botan” hat rêxistin kirin 26 endamên displîna leşkerî beşdarî dewreya perwerdeyê bûn.
Nûnerên QSD`ê, Hêzên Ewlekariya Hundrîn, rûspiyên êlan û şêniyên herêmê beşdarî merasîma bidawîkirina dewreyê bûn.
Dewreya perwerdeyê 20 rojan dewam kir. Di dewreyê de dersên birdozî, siyasî û perwerdeyên li ser displîna leşkerî hatin dîtin.
Merasîma bidawîkirina dewreyê bi rêzgirtinê hate destpêkirin. Paşê yek ji kesên ku di akademiyê de ders dide Mehmûd Minbic axivî.
Mehmûd Minbic diyar kir ku careke din roka azadiyê li wan hilat û ev tişt anî ziman,”Em bidawîkirina dewreyê li hemû şêniyên Dêrazorê pîroz dikin. Em weke saziya dîdîplîna leşkerî erka me parastina welat e. Ji ber ku parastina welat ji me tê xwestin.”
Mehmûd Minbic di axaftina xwe de bang li hemû ciwanan kir ku tevlî dewreyên bi vî awayî bibin da ku ewlehî û aramiya herêmê biparêzin.
Şehîd Harûn Botan di Hemleya Rizgarkirina bajarê Minbicê de şehîd bû…ANHA
Dewreya yekem li Dêrazorê bi dawî bû
