Pêngava Bagera Cizîrê ya ku careke din destpê kir û navenda wê bajaroka Dişîşa ye berdewam dike. Di çarçoveya pêngavê de li gundê El-Cibûr û El-Bûhesbûn ên girêdayî bajaroka Dişîşa di navbera şervanên QSD’ê û çeteyên DAIŞ’ê de şerên giran rû didin. Şervanên QSD’ê ji aliyê bakur ve 8 kîlometre nêzî Dişîşa bûne.
Êrîşa çeteyên DAIŞ’ê ya ji 4 kesan pêk dihat ku êrîşî nuqteyên hêzên QSD’ê yên li Reqayê dikirin, ji aliyê şervanên QSD’ê ve hate şikandin. Di êrîşê de 3 çete hatin kuştin, çeteyek jî birîndar bû.
Navenda Ragihandinê ya QSD’ê têkildarî êrîşa çeteyên DAIŞ’ê ya li ser nuqteyên şervanên Hêzên Sûriya Demokratîk a li Reqayê daxuyaniyek da, hate diyarkirin ku ji bo çeteyên revîn bê girtin dest bi operasyonekê kirine.
QSD’ê di daxuyaniyê de ev tişt got: “4 kesên ku tê texmînkirin ku girêdayî çeteyên DIAŞ’ê ne, 5’ê Hezîrana 2018 saet derdora 03:00’an êrîşî nuqteyên leşkerî yên QSD’ê yên li nêzî Sendîkaya Mîmaran a Reqayê kirin.
Şervanên QSD’ê di cih de bersiv da, şervanak sivik birîndar bû. 3 ji çeteyên êrîş kirin hatin kuştin, çeteyê din jî birîndar reviya. Hêzên Ewlekariya Hundirîn ji bo çeteyê revî bigirin dest bi operasyonê kirine.”
GUNDÊ FEKÊ HAT RIZGARKIRIN
Ji aliyê din ve şervanên QSD’ê li başûrê Hesekê 4 kîlometre pêşve çûn, gundê Fekê yê 15 kîlometre dikeve başurê Şedadê û 3 gundik ji destê çeteyên DAIŞ’ê rizgar kir.
QSD’ê bi armanca rizgarkirina herêmên başûrê Hesekê ji çeteyên DAIŞ’ê ku navenda wê bajaroka Dişîşa ye û bi mebesta parastina ewlekariya sînorê Iraq û Sûriyê, Pêngava Bagera Cizîrê dîsa da destpêkirin.
Di çarçoveya Pêngava Bagera Cizîrê de gundê Fekê û 3 gundikên girêdayî Şedadê ji çeteyên DAIŞ’ê rizgar kir.
QSD 8 KM NÊZÎ DIŞÎŞA BUYE
Ji aliyê din ve li gundê El-Cibûr û El-Bûhesbûn ên girêdayî bajaroka Dişîşa di navbera şervanên QSD’ê û çeteyên DAIŞ’ê de şerên giran rû didin. Şervanên QSD’ê ji aliyê bakur ve 8 kîlometir nêzî Dişîşa bûne.
Li gundên El-Cibûr û El-Bûhesûn ên girêdayî bajaroka Dişîşa di navbera şervanên QSD’ê û çeteyên DAIŞ’ê şer bi dijwarî rû dide.
