Wezareta Parastinê ya Emerîka (Pentagon) di bersiva li hemberî daxuyaniyên Tirkiyê de ku dibêjin wê nimûneya Minbicê li hin herêmên din ên Sûriyê pêk bînin, ragihand ku nexşeriya ku Emerîka û Tirkiyê di derbarê çarenûsa Minbicê de danîne li herêmeke din a Sûriyê nayê pêkanîn.
Berdevkê Wezareta Parastinê ya Emerîka (Pentagon) Adrian Galloway diyar kir ku nexşeriya ku Emerîka û Tirkiyê di derbarê çarenûsa Minbicê de danîne, tenê girêdayî bajarê Minbicê ye û li herêmeke din a Sûriyê nayê pêkanîn.
Galloway di daxuyaniyekê de bi kanala El-Hurra re destnîşan kir ku pêkanîna nexşerêyê dê li gorî veguhertinên li ser erdê pêk were û divê hemû alî yên li herêmê bala xwe bikişînin ser tunekirina DAIŞ’ê.
Galloway diyar kir ku Tirkiye endamekî NATO’yê ye û hevkarekî di têkşikandina DAIŞ’ê de ye û wiha dewam kir: “Em hê jî bi baldarî bi hêzên Sûriya Demokratîk re dixebitin.”
Nimûneya Minbicê li herêmeke din nayê pêkanîn
