şêniyên Hesekê ji ber buhabûna madeyan bi gazincin, şêniyan komîteya Zimhêrê rexne kirin û diyarkirin ku ew baş bi karê xwe ranabin, lewra rê li ber kesysbazan tê vekirin.
Li bajarê Hesekê, pirsgirêka buhabûna nirxên madeyên xwarinê bilind bûye,ev yek bûye cihê gilî û gazincên welatiyan.
Welatiya bi navê Îmama Umer derbarê buhabûna madeyên xwarinê nerazîbûna xwe anî ziman û Komîteya Zimhêrê rexne, Îmama got:” Bi nêzikbûna cejnê re her froşkarek li gorî xwe nirxa madeyan buha dike û rewşa welatiyan li ber çavan nagire”.
Welatiyê bi navê Fehid Ehmed got:”Em dixwazin buhaya madeya yek be û ne li gorî her froşkarekî be, em ji vê rewşê aciz in”.
Ehmed bang li aliyên têkildar kir ku çavdêriya rewşa bazaran bikin û vê pirsgirên çareser bikin.
Rêveberê Komîteya Zimhêrê Seîd Necar diyar kir ku ew rojane di nav bazaran de digerin û buhaya madeyan dişopînin û wiha got:” Hin bazirgan û froşkar ji ciyawaziya nirxên dolarê sûd digirin û bi buhaya madeyan dilîzin”.
Necar destnîşan kir ku froşkarên madeyan bi nirxên buha difroşin hesab jê tê xwestin.
Di dawiya axafitina xwe de Necar got:”Em rexneyên welatiyan qebûl dikin û em ê li ser kêmasiyên xwe rawestin.”… ANHA
Ji ber buhabûnê bi gazinc in
