Welatiyên Minbicê diyar kirin ku dewleta Tirk bi gefxwarinên xwe hewl dide tevliheviyan di navbera gelê herêmê de derxîne.
Welatiyên bajarê Minbicê gefên dewleta Tirk ên li dijî bajarê Minbicê û gelê wê şermezar kirin.
Husam Reşîd diyar kir ku armanca gefxwarinên dagirkeriya Tirkiyê yên li dijî gelê Minbicê derxistina nakokiyan di navbera gelê herêmê de ye. Piştî Minbic ji çeteyên DAIŞ‘ê hate rizgarkirin, merheleyek nû ya avakirinê destpê kir. Tirkiye bi bihaniyên ne di cih de, hewl dide êrîşên xwe yên li ser bajarê me rawa bike.”
Welatiyê bi navê Ebid Semo El-Mihemed jî got, “Piştî Meclîsa Leşkerî ya Minbicê bajar ji çeteyên DAIŞ‘ê rizgar kirin, gel vegriya warê xwe yê azad. Bi saya Rêveberiya Sivîl a Demokratîk a Minbic û Gundewarên wê pêşketinên ber bi çav roj bi roj rû dide. Armancên Tirkiyê ne parastina Minbicê ye, zindîkirina terorê li herêmê ye.”
Welatiyên bi navê Ebdulletîf Mensûr jî got, “Tirkiye destekê dide terorê, bi riya komên terorîst hemû pêkhateyên herêmê hedef digire. Bi xwîna van şehîdan niha em bi aramî dijîn.”…ANHA
Tirkiyê dixwaze li Minbicê fitneyê derxîne
