Berdevka Eniya Demokratîk a Sûriyê û Sekretera Kongreya Soçî Meys Kiredî diyar kir ku dagirkirina Efrînê “Kareseteke Mirovî”ye.
Heyetek ji Eniya Demokratîk a Sûriyê hevdîtinên xwe bi partî û hêzên siyasî yên Bakurê Sûriyê re didomîne.Berdevka Eniya Demokratîk a Sûriyê Meys Kiredî ku di nava heyetê de bû li ser armanca hevdîtinên xwe bi aliyên Bakurê Sûriyê re axivî.
Meys got, “armanca hatina me ya ji bo Bakurê Sûriyê çêkirina peywendiyan di navbera Eniya Demokratîk a Sûriyê û hêzên siyasî yên Sûriyê de ye, her wiha ji bo naskirina kar û xebatên ku li herêmê têne meşandin e.”Meys destnîşan kir ku divê bêyî destwerdanên derve li nav Sûriyê diyalog pêş bikeve û got, “Em bi hêvî ne ku hemû hêzên Sûrî, li ser maseyekê diyalogan çêbikin da ku bighêjin encamekê.”Meys Kiredî dagirkirina Efrînê ji aliyê dewleta Tirk de weke “kareseteke mirovî” bi nav kir û got, “Em destwerdana Tirkiyê ya li Efrînê weke kareseteke mirovî bi nav dikin. Ev helwesta hemû hêzên niştimanî yê Sûriyê ne. Dagirkirina Efrînê jî yek ji armancên hatina me ya Bakurê Sûriyê ye.”Berdevka Eniya Demokratîk a Sûriyê bal kişand ku hemû guhertinên li Sûriyê rû didin, encamên lihevkirinên welatên herêmî û navdewletî ne û got, “Divê biryar ji hundirê Sûriyê were dayîn, ev yek jî wê di encama xebatên hêzên netewî yên Sûriyê de were kirin.”Meys Kiredî li ser tecrûbeya Rêveberiya Xweseriya Demokratîk a li Rojava û Bakurê Sûriyê got, “Di aliyê demokratîkbûyîn û pêkanîna wê de, ev tecrubeyeke pêşketî ye û sîstema wekheviya di navbera jin û mêr de nîşan dide.”
Divê hêzên Sûriyê çareseriyê pêş bixin
