Ev sal ne tenê ji bo cotkaran zehmet bû. Ziyanên mezin gihan çandiniyê jî. Lêçûna xwedîkirina sewalan jî bilind bû. Ji ber vê yekê sewalvan neçar man ku nîvê sewalên xwe bifroşin da ku karibin lêçûna nîvê din peyda bikin.
Sewalvan û bi taybet ên koçber xwedîkirina sewalan di jiyana xwe de esas digrin. Lê ji ber kêmbûna baran, çêrê û bilindbûna lêçûna xwedîkirina sewalan sewalvan neçar man ku nîvê sewalên xwe bifroşin.
Tevî hemû zehmetiyên jiyanê heta niha sewalvan parastina sewalvaniya xwe dikin. Di vê salê de ji ber kêmbaranê û dîsa ji ber barana bê wext rabûna lehiyê ya li nava zeviyan, lêçûna xwedîkirina sewalan bilind bûye. Ji ber vê yekê êm buha bû. Her wiha sewalvan di xwedîkirina sewalan de zeviyên ceh û genim ê ku ji ber barîna baranê ziyan dîtine ew neçar dimînin ku bifroşin, kirê dikin da ku sewalên xwe lê biçêrînin.
Sewalvanê bi navê Hisên El-Hemûd ku şivantiyê li navçeya Eyn Îsa dike diyar kir ku êm ku ji sewalên xwe re dikirin jî ne di rewşeke baş an buhayeke erzan de ye. Zêdebûna daxwaza li ser êm hişt ku buhaya wê bilind bibe. Niha buhaya kîloyeke kayê 35 lîreyên Sûriyê ne û buhaya kîloyeke ceh jî bêtirî 150 lîre ye.
Bêrîvana bi navê Selame El-Ehmed girêdayî heman mijarê wiha got: “Ji bo ku em debara xwe werbigirin, li şûna sewalvaniyê bijarkeke me ya din tune ye. Ev cara yekemîn e ku di vê astê de lêçûna sewalan em didin.”…ANHA
Sewalvanî kêm dibe
