Saziya Malbatên Şehîdan a herêma Minbicê ji bo avakirina koperatîfên taybet ji bo hevjînên şehîdan, li hola civînan a Meclîsa Zagonsaz civînek li dar xist. Piştî civînê ji bo hevjînên şehîdan kooperatîf hat ava kirin. Her wiha di civînê rêziknameya kooperatîfan hat xwendin.
Saziya Malbatên Şehîdan a Minbicê koperatîfa hevjînên şehîdan ava kir.
Bi tevlîbûna endamên Meclîsa Jin, Mala Jin a Minbicê û dehan hevjînên şehîdan, Saziya Malbatên Şehîdan a herêma Minbicê ji bo avakirina koperatîfên taybet ji bo hevjînên şehîdan, li hola civînan a Meclîsa Zagonsaz civînek li dar xist. Avakirina koperatîfan di çarçoveya pêkanîna biryarên Konferansa Hevjînên Şehîdan ya ku li Qamişlo di 5‘ê Gulana derbasbûyî de hatibû li darxistin pêk tê.
Piştî deqeyek rêzgirtin, endama Koperatîfa hejvînên Şehîdan Xezel Hesen destnîşankir ku armanca avakirina koperatîfan naskirina pirsgirêkên hevjînên şehîdan, rêxistinkirin û pêşnûmekirina projeyan ji bo wan e.
Xezel Hesen got, hemî koperatîfên ku li herêmên Firat, Cizîr, Reqa, Efrîn û Şehba lêvegera wan Koperatîfa Îştar a li bajarê Qamişlo ye.
Piştî axaftina Xezal rêziknameya koperatîfê hate xwendin.
Li gorî biryarên Konferansa Malbatên Şehîdan, Koperatîf ji 19 rêveberan pêk tê, armanca kopertatîfê ew e ku, asta hevjînên şehîdan ya zanistî bilind bike, hevjînên şehîdan rêxistin bike, ji bo wan perwerdeyên vekirî û girtî veke, dest bi pêngava fêrkirinê ji hemî jinan re bike.
Perwerdekirina zarokên şehîdan e, avakirina komîteyeke taybet ji bo çareserkirina pirsgirêkên wan, vekirina baxçeyên zarokan. Her wiha Koperatîf bi hevkariya Kongereya Star û aliyên têkildar ve,vekirina cihên taybet ji bo zarokên astengdar li tevahiya bajêr, avakirina koperatîfên(dirutin, çandinî,xwedîkirina sawalan û hwd) armanc digire.
Hêjayî gotinê ye ku ev koperatîf li herêmên Bakurê Sûriyeyê, 5 hezar û 603 zarokên şehîdan, 2 hezar û 92 hevjînên şehîdan destek dike…ANHA
