Berdevkê Yekîtiya Niştîmanî ya Kurdistanê YNK’ê Sedî Ehmed Pîre têkildarî dagirkeriya dewleta Tirk û ji aliyê Îranê ve girtina ava Zê yê biçûk got; “Ev binpêkirina serweriyê ne. Weke YNK em dagirkeriyê mehkûm dikin.”
Berdevkê Yekîtiya Niştîmanî ya Kurdistanê YNK’ê Sedî Ehmed Pîre piştî civîna Encûmena Rêveberiya YNK’ê li Silêmaniyê civîna çapemeniyê lidar xist.
Pîrê eşkere kir ku di civîna du rojan a Encûmena Rêveberiya YNK’ê de biryar dane ku komîsyonekê ava bikin, ji bo serdana aliyan bike da ku destkeftiyên Kurdan li Bexda bi dest bixin û yên heyîn biparêzin.
Pîrê da zanîn ku di civînê de behsa encamên hilbijartinê jî kirine û diyar kir ku li gorî YNK’ê mafê aliyane rexne bikin û got; “Weke YNK ji bo bi hemû awayî hejmartina dengan bê minetîn û amadene. Me komîsyonek ava kiriye da ku dema kongreya YNK’ê eşkere bike. Wê di nava çend rojên bê de dema kongreyê eşkere bikin.”
Berdevkê Yekîtiya Niştîmanî ya Kurdistanê YNK’ê Sedî Ehmed Pîrê têkildarî helwesta YNK’ê ya li dijî dagirkeriya dewleta Tirk wiha axivî; “Ev yek binpêkirina serweriya xaka Iraqê ye. Divê hikûmeta Iraqê li ser mijarê bibe xwedî bersiv. Lê weke YNK em hemû dagirkeriyan mehkûm dikin. Tirkiye çawa ku dixwaze serweriya xaka xwe biparêze, bi vî awayî divê serweriya xaka Iraqê jî bê parastin. “
Pîrê girtina ava Zêyê biçûk ji aliyê Îranê ve jî mehkûm kir û got ku destdirêjiya serweriya xaka Iraqê ye…ROJNEWS
YNK’ê dagirkeriya Tirk mehkûm kir
