Namzet: Em bi kêfxweşî tên pêşwazîkirin

Namzetên HDP’ê yên jin ên li Îzmîrê Cemîle Aydin, Ayşe Yilmaz, Elfeyse Nas, Gonul Aygun û Rahîme Tûran qala armancên xwe kirin.
Cemîle Aydin ku yek ji dayikên aştiyê ye, anî ziman ku bi salan e ew ji bo aştiyê têdikoşe û ji bo mafên jinan biparêze bûye namzet.
Ayşe Yilmaz diyar kir ku heta niha wan li gelek semtan karê hilbijartinê kirine, li navçeyan li nava malan û bazarê belavok belav kirine û got, ew bi baldarî û kêfxweşî tên pêşwazîkirin.
Elfeyse Nas jî bal kişand ser eleqeya ji HDP’ê re tê nîşandan û got, “Em ji vê baldarî û pêşwaziyê gelekî kêfxweş in.”
Gonul Aygun jî da xuyakirin ku karê wan ê ji bo hilbijartinê bi coş derbas dibe û got, “Gelê me êdî fêhm kiriye ku bêyî HDP’ê desthilatdariya 16 salan nikare bê têkbirin.” Aygun diyar kir ku ji bo li meclîsê bibe dengê jinan ew bûye namzet.
Rahîme Tûran jî destnîşan kir ku namzetên HDP’ê bi kelecaneke mezin li Îzmîrê tên pêşwazîkirin û got, “Ez bawerim ku em ê bi ser bikevin.”ANF