Ji beriya 4 salan ve, ango di dema êrîşên çeteyan ên li ser taxa Şêxmeqsûd de dest pê kirin de, bi rengekî komînal li kêleka parastvanên taxê sekinîn û xwarin ji wan re çêdikirin û heta niha di metbexê de dixebitin.
Çîrokên berxwedanê yên Taxa Şêx Meqsûd bi hezaran e. li taxê ne tenê şeravan berxwedanî dikirin, gel jî di nav de dayîk berxwedanek gelek mezin nîşandan. Hejarmeke jinên taxa Şêxmeqsûd a Helebê di dema êrîşên komên çete yên li ser taxê, digel şertên zor û zehmet de bi şêwazê xwe li derdora parastvanên taxê kom dibûn û xwarin ji wan re çêdikir.
Dayik, rojane ji saetên berbangên sibehê heta derengî şevê newbedariya metbexê dikirin û xwarin ji şervanan re çêkirin û dişandin eniyên berxwedanê.Piştî êrîşên li ser taxên bi dawî bûn jî, metebex nehatiye girtin, dayik heta niha jî xwarinê amade dikin û dibin ji şervanan re .
Ji dayikên ku ji beriya 4 salan ve di metbexê de bi dildarî kar dike, Lutfiya û Sultana ne.Dayika Lutfiya Ebdo ya 53 salî derbarê karê xwe yê di vê metbexê de wiha têne ziman, “Karê min ê li vir wekî xwedîkirina dayikekê zarokên xwe. Wekî her ferdek ji taxê erka me ye em xwedî li şervanên ku parastinê dikin, derkevin. Em jî dayikên t vê taxê ne em xwarinê ji şervanan re çêdikin.”Çeteyan metbex kirin armanca xwe
Dayika Lutfiya jî diyar kir ku metbex jî rastî êrîşên çeteyan hate û wiha anî ziman, “Rojek topek çeteyan li taxê ket. Dayikek sivîkî birîndar bû .Li ser vê yekê me parastina metbexê xurt kir û me çend cihên din jî diyar kir, dema ku xeterî li ser yekê hat em biçin a din.”Lutfiya û Sultana di gel çêkirina xwarinê de, xwarinan ji bo demê pêş depo dikin, wekî “Dimsa bacana, zebzeyên kesidandî, penêr, zeytûn û mekdûs, rêçal”.
Sultana Hesen, ya 51 salî got, “Rexmî dijwariya êrîşan min dev ji taxê berneda, em bê teredud piştgirî didin şervanan. Hêza me zarokên me ne, ew ên ku li çeperên şer parastinê dikin.”ANHA
Dayikên beşdarî berxwedana Şêxmeqsûd bûne
