Şêniyên Efrînê yên ku ji ber êrîşên dewleta tirk neçarî derketina ber bi Şehbayê çûn jiyana xwe û projeyên xwe yên aborî bi pêş dixin û berxwedana xwe berdewam dikin.
Bi hevkariya Komîteya Aborî ya herêmê welatiyê bi navê Îsa Hac Mihemed kargeheke dirûnê li navçeya Arfad (Til Rifeet) vekir.
Piştî ku bi sedhezaran welatiyên Efrînê ji ber hovîtiya êrîşa artêşa dagirker a Tirkiyeyê û komên çete yên girêdayî wê li dijî kantona Efrînê neçarî koçberiyê bûn. Welatiyê bi navê Îsa Hac Mihemed karibû maşîneyên xwe yên dirûtinê bi xwe re ji Efrînê derbixîne.
Îsa Hac Mihemed niha bi hevkarî û alîkariya Komîteya Şêwirkarî û Aboriyê kargeheke dirûtinê li navçeya Arfad vebike.
Îsa Hac Mihemed diyar kir ku ew cil û bergên jin û mêran çêdikin û li gundên Şehba difiroşin.
Di vê kargeha dirûtinê de 31 xebatkar dixebitin. Îsa Hac Mihemed ji navçeya Meydankê ye û kargeha wî ya çêkirina cilûbergan li wir bû.
Hêjayî gotinê ye ku rêvberiya xweser û rêveberiya Kampa Serdem û berxwedan her wiha rêveberiya Şehbayê ji bo şêniyên Efrînê wê gelek projeyên aborî bi pêşbixin ta ku şênî bikaribin debara jiyana xwe bikin.
