Komîteya Aborî ya navçeya Eyn Îsa ya kantona Girê Spî ji bo wergirtina berhemê genim ji cotkaran embar vekir. Komîteya buhayê kirîna genim (hişk û nerm) li gorî asta başbûna wê destnîşan kir. Buhayê yek ton asta yekem 175 hezar lîreyên Sûrî ye, asta duyem 173 hezar û 250, ya sêyemîn jî 171 hezar û 500 ji bo tonekî.
Wergertina genim bi riya komînan bi rêve diçe.
Berpirsyarê navenda wergertina genim Salih Xidir anî ziman ku tenê yek navend li Eyn Îsa û gundewarên wê ji bo wergirtinê heye û ji saet 07:00 heta 17:00 deriyê embarê vekirina û pêşwaziya cotkaran dike.
Salih Xidir da zanîn ku komîte genimên salên berê yên hatine xezinandin, wernagirin, tenê yên îsal werdigirin.
Komîte piştî 15 rojan ji wergertina genim dê pereyan bide cotkaran.
Komîteyê Dest bi wergertina genim kir
