Desteya Çand û Hunerê ya Kantona Hesekê li gundê El-Xera yê Çiyayê Kizwana navenda xwe bi merasîmekê
Bi armanca pêşxistina çanda şêniyên herêmê û belavkirina çand û huner li Çiyayê Kizwana navend bi merasîmekê hat vekirin.
Bi dehan şêniyên herêmê û şandeyek ji komîteya Çand û Hunerê ya kantona Hesekê beşdarî merasîma vekirina navendê bûn. Merasîm bi rêzgirtin hate destpê kir. Paşê yek ji rêveberên Tevgera Çand û Huner a herêma Cizîrê Nûra El-Wegaa axivî û diyar kir ku ji bo xwesteka rewşenbîr û zarokên herêmê pêk were, wan navenda xwe li herêmê vekir.
Nûra di berdewama axaftina xwe de got ku wê navend alîkariya zarokan bike da ku xwe di aliyê çandî de pêş bixin.
Di berdewama merasîmê de Hevserokê Meclîsa Kantona Hesekê Abdulxenî Oso axivî û bi xêr hatina beşdaran kir û spasiya her kesê ku hewil dide aliyê çandî li hermê pêş bixe, kir.
Abdulxenî di berdewamiya axaftina xwe de jî got ku bi saya şervanê YPJ/YPG`ê herêm ji çeteyên DAIŞ`ê hatiye rizgarkirin û wiha dawî li axaftina xwe anî: “Şervanan evsaneyên lehengî di Çiyayê Kizwanan de nivîsandin û tu carî lehengiya wan nayê jibîrkirin.”
Di dawiya merasîmê de navend ji aliyê dayîka şehîd Abdulwehab Abdulezîz ve hate vekirin.
li Çiyayê Kizwana Navenda çandê hate vekirin
