Navenda Nûçeyan
150 malbatên Şengalî yên ku 11 sal bûn li kampên Başûrê Kurdistanê diman, vegeriyan Şengalê. Li gor agahiyan wê di nava vê heftiyê de gelek malbatên din vegerin ser cih û warên xwe.
Şengaliyên ji ber fermanê ji warê xwe koçber bûn û 11 salin li Başûrê Kurdistanê bûn, pêl bi pêl li warê xwe vedigerin.
Piştî demeke dirêj ku rê li ber girtina vegera koçberên Êzidî hatibû girtin, pêla vegera ber bi herêma Şengalê ve careke din bi rengekî fermî destpê kir. Di vê çarçoveyê de, îro 150 malbatên Êzidî ji kampên penaberan yên li Başûrê Kurdistanê bar kirin û vegeriyan ser cih û warên xwe.
Tê payîn ku di nava vê hefteyê de hejmara malbatên vedegerin ji 600’î derbas bibe.
Li gorî aliyên peywendîdar, ev qonax wê dewam bike û di demên pêş de pêlên nû yên vegerê jî destpê bikin.
Tevî vê gavê jî, li gorî zanyariyan hîn zêdetirî hezar malbatên din li benda vegerê ne, lê ji ber astengkirina kaxez û belgeyên wan ên fermî, heta niha destûr ji bo vegera wan nehatiye dayîn.
