Stêrk Mihemed/Qamişlo
li Wanê 12 şaredariyên ku di bin rêveberiya DEM Partiyê de xebat dikin, dê bi pêşengiya Şaredariya Navçeya Rêya Armûşê di navbera 12 û 14’ê Hezîranê de li Qada Bajêr a navçeyê “Mîhrîcana Keda Jinan a Berhemdariyê” li dar bixin.
Li Wanê 12 şaredariyên ku di bin rêveberiya DEM Partiyê de xebatên xwe dikin, dê bi pêşengiya Şaredariya Navçeya Rêya Armûşê di navbera 12 û 14’ê Hezîranê de li Qada Bajêr a navçeyê “Mîhrîcana Keda Jinan a Berhemdariyê” li dar bixe. Mihrîcan bi hewldanên gerînendetiya polîtîkayên jinan a şaredariyan tê organîzekirin û wê bi çalakiyên cur bi cur werin lidarxistin. Şaredariyan derbarê mihrîcanê de daxuyaniyeke nivîskî belav kir û naveroka mihrîcanê hate ragihandin.
Bi mazûvaniya Rêveberiya Polîtîkayên Jinan a Şaredariya Riya Armûşê bi beşdariya beşên polîtîkayên jinan ên şaredariyên Tûşba, Artemêtan, Erdîş, Şax, Ebex, Serav, Bêgirî, Payîzava, Westan, Elbak û Qelqeliyê û bi pêşengiya nûnerên jin ên hilbijartî yên Şaredariya Miks û Şaredariya Bajarê Mezin a Wanê, ‘Mihrîcana Keda Jinan a Berhemdariyê’ dê di 12-13-14’ê Hezîranê de li Qada Bajêr a Wanê were lidarxistin. Armanca vê kombûnê ew e ku zanyariya dîrokî ya jinan a derbarê hilberînê de, serpêhatiyên wan ên aborî û pratîkên wan ên hilberîna kolektîf ên ku jiyanê ji nû ve ava dikin, derxe pêş.
Nirxên ku ji aliyê jinan ve hatine afirandin yên ku ji serdema Neolîtîkê heta roja îro bûne aktorên bingehîn ên hilberîn, parvekirin û jiyana civakî îro jî wekî yek ji dînamîkên civakî yên herî bi hêz ên ku ji nû ve teşe didin jiyanê, derdikevin pêş. Digel ku pergala kapîtalîst ked û xebata jinan nedîtbar dike, ew di heman demê de jinan ji têkiliyên zanînê, biryardayînê û xwedîtiyê yên di warê hilberînê de dûr dixe. Li dijî vê pergalê, Mihrîcana Keda Jinê ya Hilberî hevgirtin, hilberîna kolektîf û têgihiştina aboriyeke komunal derdixe pêş. Li mihrîcana ku pêşî li hevgirtinê li ser pêşbaziyê, li pêdiviya civakî li ser qezencê û li hilberîna kolektîf û parvekirinê, li ser komkirina takekesî digire, dê pratîkên kedê yên kolektîf, serpêhatiyên hilberîna hevpar, motîfên kevneşopî û berhemên çandî yên ku ji felsefeya ‘Berhemdariyê’ derdikevin, li Qada Bajêr a Wanê zindî bibin.
Di mihrîcana sê rojî de, koperatîfên jinan, komînên jinan, hilberînerên serbixwe û yekîneyên jinan ên di nav dezgehên herêmî de dê li hev kom bibin da ku bingeheke xurt a hevgirtin û hilberîna kolektîf ava bikin. Mihrîcana Keda Jinê ya Hilberî ne tenê pêşangehek an jî bazar e; ew ê di heman demê de bibe cîhekî hevdîtinê ku jin tê de serpêhatiyên xwe parve dikin, torên kolektîf ava dikin û pratîkên xwe yên jiyana hevpar xurt dikin. Atolyeyên ku wekî beşek ji bernameyê tên lidarxistin dê li ser şîfayiya kevneşopî, jinolojî û modelên hilberîna kolektîf rawestin; bi riya panelan, axaftinan, çalakiyên çandî û performansên hunerî, rola bingehîn a jinan ji hilberînê heta organîzasyonê dê bêtir were xuyakirin. Bi vê yekê re, em bang li her kesî dikin ku di 12-13-14’ê hezîranê de li Qada Bajêr a Wanê beşdarî vê kombûna mezin a hevgirtin û hilberîna kolektîf a ku bi kedkariya jinan hatiye honandin, bibin.
Di vê çarçoveyê de Endama Şaredariya Meclise Tuşba ye DEM Parti Mizgîn Avras ji Rojnameya me re axivî.
Mizgîn Avras diyar kir ku di 12-13-14’ê Hezêranê de mîhrîcana Komîna Jinan tê lidarxistin û wiha got: “Armanca me ji vê mîhrîcanê zindîkirina û bibîranîna keda jinê ku hatiye jibîrkirin bînin gel hev. Ked û mafê jin hertim hatiye jibîrkirin em niha dixwazin bi destê xwe civak, bazar û taxên xwe avabikin. Jinê civak avakiriye, lê dema niha em li civakê meyze dikin em dîbînin ku hertin jin hatiye dûrxisitin û qetilkirin. Armanca me ji vê mîhracanê derxistina keda jinê ku hatiye windakirin, herwiha nîşandana keda jinê û avakirina civakek azad e. Li ser vê esasê û armanca bingehîn a vê mîhrîcanê avakirina jiyanek komînal e. Em ê ji 12 şaredariyan hevalên jin di 12-13-14’ê Hizêranê de bînin gel hev û civakek nû avabikin. Her çiqas em li vê derê ked didin kedê me rayê xuyakirin, em ê bi vî rengê kedê xwe raghînin û biparêzin.”
