Lîstokgeha Reqayê ji nû ve hate vekirin

Bi nêzîkbûna cejna Remezanê re û bi armanca kêfxweşkirina zarokên Reqayê, xebatên ji nû ve vekirina lîstokgeha bajêr dest pê kir.
Çeteyên DAIŞ’ê beriya 4 salan kêfxweşiya zarok û şêniyên Reqayê bi talankirina lîstokgeha bajêr dizî bûn.
Lîstokgeha Reqayê di dema DAIŞ’ê de rastî dizî û talankirinê hatibû, lewra zarok ji lîstok, şadiyê û perwerdê bê par ma bûn. Armanca DAIŞ’ê ew bû ku zarokan tevlî xwe bikin di bin navê (Nêviyê El-Xîlafetê) de wan perwerde bikin.
Piştî rizgarkirina Reqa bi armanca geşkirina jiyana welatiyan şaredariya gel bi hevkariya Komîteya Hawirdor û Parkan re xebatên ji nû ve vekirina lîstokgeha bajêr destpêkirin.
Di derbarê vê mijarê de endezyar Mihemed xêr El-Erbeş wiha got: “Îro piştî rizgarkirina Reqayê, ji bo zarokan lîstokgeh tê vekirin. Armanca me bi vê yekê ew e ku lîstokgeh geş bibe û dilê zarokan xweş bibe…ANHA