ji bo pêşketina civakê hêmana serke perwerde ye. kesayetên civakê ji dema zayînê de heya bi mirinê gelek perwerdeya distîne. Li mal, dibistan û her wiha saziyê lê kar dike.
Li Rojava jî, ne tenê li dibistanan; lê gelek sazî jî rola xwe di perwerdekirina civakê de dilîzin. Yek ji wan saziyan Wqfa Jina Azad e. ji dema vekirina vê saziyê heya niha gelek cureyên perwerdê vekirine.
Rêvebira Weqfa Jina Azad a Rojava ya Beşê Perwerdê Hena Elî derbarê perwerdeyên wan de ji Ronahî re axivî.
GELEK DEWRE
HATİN VEKİRİN
Li Weqfa Jina Azad Perwerde wiha ne, beşê Bexçê Zarokan, werzîş û zimanê kurdî û ingilîzî, tendrustî, derûnî, dirûtin û kompiyuter. Weqfê 10 bexçên zarokan avakiriye û 41 mamoste hene.”
Perwerdeyên mûzîkê li Navenda weqfê û Enteriyê ji 60 zarokan re tê dayîn, taybet di dema dawîkirina demsla xwendinê de. Di heman demê de jî perwerdeyên ziman jî di vê salê de 4 grup ji 70 jinan bi dawî kirin û hîn mîna van perwerdeyan piştî meha rojiyê wê berdewam bikin.”
Perwerdeyên Tendrustî ji aliyê komîyeta Meclisa Tendrustî tên birêvebirin hemû cureyên beşê tendrustî û semînerên derûnî li weqfê tê dayîn. Her wiha 3 navendên tendrustî li Dêrik, Qamişlo û Serê Kaniyê hene. Ji bo werzîşê jî du grub hene yek danê sibê û ya din êvarê tê dayîn. Çarçoveya dayîna perwedê bi giştî sê mehin, dema ku perwerde bi dawî dibe jinên ku daxwaziya wan kar hebe li gorî derfetên xwe û perwerdeya ku wê dîtî di saziyên xwe bi cih dikin.
Hêjayî gotinê ye ku Weqf heman perwedeyan di hundirê kampa Roj û Holê de jî didin.
Melek DEMÎRTAŞ
