Pêşketina civakê bi beşdarbûna jinê ya hemû aliyê jiyanê pêk tê. Yekîtiya Werzîşê ya Bajarê Minbicê û Gundewarên wê ya girêdayî Komîteya Werzîş û Ciwanan, di 17`ê Mijdara 2017’an de, di çarçoveya Kongreya Damezrêner a Yekîtiya Werzîşê ya Minbicê de, Komîteya Werzîşê ya Jinan a Minbicê hatibû avakirin.
Li bajarekî wek Minbicê ku ni hatiye rizgarkirin, hemû aliyên civakê û bi taybet jin xwe ji hemû aliyan de pêşdixin. Avakirian komîteya werzîşê ya jinan yek ji van pêşketinan ne. di encamê de tîmên jin ên wekî Volêbol û basket bolê li Minbicê hatin avakirin.
KEVNEŞOPİYA
PAŞVERÛ BİŞKÎNE
Ji ber adet û kevneşopiyên paşverû, jin di malê de hatibû sînordar û qeydkirin, rê nedihat dayîn ku jin rola xwe di civakê de nîşan bide. Di demên derbasbûyî de, navendek ango hola estetîka bedenî taybet bi jinê li Minbicê vebû, lê dîsa jin tenê di asta navendekê de hiştbûn. Lê ev gava avakirina tîmên jin wê vê hişmendî û kevneşopiyê bişkîne û çanda werzîşa jinan li civaka Minbicê belav bibe.
BİNGEHA Jİ
HEMÛ JİNAN RE
Ev gav di encama serdana Yekîtiya Werzîşê ya Minbicê û Komîteya Werzîşê ya jinê ji Herêma Cizîrê û Kobanê re hate avêtin. JI ber ku hat xwyakirin jinên Rojava di qadê werzîşê de xwe pêşxistiye, her wiha di hundirê dibistanên Minibcê de maratona bazadnê çêbûbû ku jin jî cihê xwe tê de girti bû, ev jî bû bingeh ku gavek wiha bê avêtin ku Komîteya Werzîşê ya Jinan a Minbicê tîmanên Volêbol û Baskêt bol a jinan avakirin. Hijmarek baş ji jinên Minbicê beşdarî van tîman bûn, her wiha wê di demên pêşde hazirtiyên tîmên temnên cuda jî bikin, ev gav wê rê ber daqadê din ên werzîşê veke.
Ferîşte NEZÎR