DYA’yê derbarê QSD’ê de Esed hişyar kir

Wezareta Parastinê ya Amerîkayê (Pentagon) hişyarî da serokê rejîma Sûriyê Beşar Esad ku êrîşê nebe ser Hêzên Sûriya Demokratîk QSD’ê.
Ji Serokatiya Fermandariya Giştî ya Dewletên Yekbûyî yên Amerîkayê general Kenneth McKenzie hişyarî da rejîma Sûriyê ku êrîşeke li dijî Amerîka ya jî hêzên hevalbendên wan, wê bibe ‘polîtîkayeke gelekî nebaş’.
McKenzie di civîna çapemeniyê de li ser daxuyaniyên Beşar Esad ên di kanala Russia Today de hatin weşandin, axivî. Esad gotibû, “Yekane pirsgirêka ku maye Hêzên Sûriya Demokratîk e.” Esad gef xwaribû ku dikare li dijî QSD’ê hêzê bi kar bîne.
Kenneth McKenzie hişyarî da û got, “Divê hemû aliyên li Sûriyê fêhm bikin ku êrîşa li dijî hêzên Dewletên Yekbûyî yên Amerîka ya jî partnerên me yên li Koalîsyona Navneteweyî wê bibe polîtîkayeke gelekî nebaş.”
ESAD GEF XWARIBÛ
Esad ji Russia Today re axivî bû û li ser hebûna hêzên QSD’ê gotibû, “Ji bo çareserkirina vê pirsgirêkê du alternatîfên me hene. Me beriya her tiştî rêya danûstandinan vekir, ji ber ku piraniya endamên QSD’ê ji Sûriyeyiyan pêk tê. Eger ji vê rêbazê encamek bi dest nekeve, em ê ‘axa xwe’ bi bikaranîna hêzê rizgar bikin. Wekî din alternatîfeke me nîne.”