Nivîskar Hekîm Mele Salih li ser dagirkeriya dewleta Tirk a li ser Başûrê Kurdistanê got; “Dijminê gelê me hemû di nava plana dagirkeriya xaka Kurdistanê de ne. Ji bo ku em pêşî li vê dagirkeriyê bigirin, divê em di nava mala xwe de yekitiya xwe ava bikin.”
Êrîşên dewleta Tirk a dagirker yên li ser xaka Başûrê Kurdistanê berdewam dikin. Li hemberî vê li şûna helwestê, nakokî di nava aliyên siyasî yên Kurdistanê de hene. Li ser vê mijarê nivîskar Hekîm Mele Salih ku xelkê Helebce ye, diyarkir ku pîlanên dewletên dagirker ji berê de hebûn û wiha got; “Pîlanên hevbeş yên dewletên dagirker ji dîrokê ve tên, dagirker li dijî Kurdan hemû xwe dikin yek. Niha leşkerên dewleta Tirk ketine nava xaka Başûrê Kurdistanê. Baregehên xwe di nava xaka Başûr de ava kirine. Ev jî metirsiyê li ser xelkê ser sînor û wan gundan çêdike. Divê ji vê zêdetir rê neyê dayîn.”
DIVÊ BERJEWENDIYÊN NETEWÎ LI PÊŞ BE
Hekîm di dewama axaftina xwe de balkişand ser sedemê dagirkirina xaka Başûrê Kurdistanê û wiha dewam kir; “Nakokiya di navbera aliyên siyasî de dike ku dijmin were nava xakê. Hêzên Başûrê Kurdistanê bi hizibayetiyê ve mijûlin. Berjewendiyên hizbî xistine pêşiya armanca netewî. Herwiha bêdengiya welatên bihêz jî kiriye ku leşkerên biyanî bikevin nava xaka me.”
Nivîskar Hekîm wiha dawî li axaftin axwe anî; “Divê desthilatdarên Herêmê û hemû hizbên Kurd bi yekitiya netewî ava bikin. Hewla parastina sînoran bikin. Êdî nehêlin tu welat û leşkerek sînoran derbaz bikin û welat bi parêzin.”…ROJNEWS
Dixwazin xaka Kurdistanê dagir bikin
