Pirtûkên ku ji ber tirsa rêjîma Baas hatibûn binaxkirin li Reqayê hatin dîtin. Hin ji wan pirtûkan di dema niha nayên peydakirin, lewra saziyên peywendîdar diyarkirin ku ew ê jinûve çapbikin.
Tîma Lêgerînê ya Komîteya Jinûve Avakirinê ya Meclîsa Sivîl a Reqayê, di çarçoveya xebatên xwe de, 41 pirtûk ku di kavilan de hatibûn bin axkirin, dîtin û radestî Akademiya Civaka Demokratîk a Kantona Kobanê kirin.
Pirtûkên hatin dîtin bi zimanên Kurdî û Erebî bû, piraniya wan ên Rêberê Gelê Kurd Abdullah Ocalan bûn.
Ji pirtûkên hatin dîtin; Rêberetî û Gel, Jin û Malbat, Rojhilat piştî hilweşandina pergala mîtînger, Mijara Kesayetî li Kurdistanê, Destana Filkolra Kurdî, Berxwedan Jiyan e, Tevgera Îslamî ya Kurdistanê, Doza Civaka Niştimanî ya Kurdistanî û hwd.
Dixuyaye pirtûkên ku ya malbateke Kurd e, ji tirsa rêjîma Baas veşartibû.
Desthilatdariya rêjîma Baas, kesên her tiştên girêdayî kurdiyatiyê qedexekiribûn û gelek welatiyên Kurd ku li gel wan pirtûk didîtin dihatin girtin û êşkencekirin, gelek ji wan heta niha di girtîngehan de ne.
Endamê Komîteya Akademiya Civaka Demokratîk a Kobanê, Mesûd Bozê diyar kir ku ji pirtûkên hatin dîtin, hindek di dema niha de nayê peydakirin û destînşan kir ku ew ê li gel xwe biparêzin û wan çape bikin. ANHA
Posta çûyî
Posta tê