Lîloz Hisên/Qamişlo
Rêvebera tîma kilînka gerok ya girêdayî Heyva Sor a Kurd Menal Hisên diyar kir ku ew hêvî dikin ku di pêşerojê de navendên xwecih yên girêdayî kilînkên gerok ava bikin.
Heyva Sor a Kurd ji bo xweghandina hemû jinan û dermankirina wan, projeya kilînkên gerok ya tyabetî jinan ava kir, di kilînkê de hemû derman û lênerînên bijîşkî bê dirav têne pêşkêşkirin, herwiha hemû pêwistiyên bijîşkî di kilînkê de peyda dibin, da ku rewşeke awarte derkeve karibin tev bigerin.
Di 1 Çileya 2025 bi alîkariya rêxistina Mêdîko ya Siwîsrayê projeya kilînkên gerok a tayabet ji bo jinan hate avakirin, bi armanca parastina jinê û zaroka wê ji hêla fîzîkî, derûnî û hişyarkirinê di dema ducaniyê de û piştî wê jî.
Derbarê vê mijarê rêvebera tîma kilînka gerok ya girêdayî Heyva Sor a Kurd Menal Hisên ji rojnameya me re
axivî.
Menal Hisên diyar kir ku 21 gundên girêdayî Tirbespiyê hatine şopandin û wiha berdewam kir: “Xizmeta ku di kilînkên gerok de tê pêşkêşkirin, ew lênerîna bijîşkî ya ji bo jinên ducanî, yên şîr didin û çawa ev jin xwe biparêze berî û piştî zayînê, rêxistnkirina malbatê û xizmetên taybetî ji bo jinê pêşkêş dike.”
Menal Hisên wiha lê zêde kir: “Di şopandina gundan de semîner weke piştgiriya derûnî û hişyarkirina teunduristiyê tê dayîn. Xebatkarên ku tê de kar dikin; Ambolansa taybet heye, bijîşkeke taybet a jinan û qabîleyeke qanûnî, piştgiriya derûnî, hişyarkirina tenduristî û parastinê, herwiha ajokareke jin ya ambolansê û paramedîk jî heye.”
Menal Hisên destnîşan kir ku her meh nêzî 500 jin derman û muayene dikin û wiha berdewam kir: “Rewşên ku tên lêhûrandin weke penceşîrê ew tên şandin ji bo Nexweşxaneya penceşêrê ya girêdayî Heyva Sor a kurd, ji ber ku mekîneyên Îko, derzî û mamograf lê heye.”
Menal Hisên tekez kir ku heta niha tu pirsgirêk an zehmetî li hember wan nehatine derketin û axaftina xwse wiha qedand: “Em bi hêvî ne ku di pêşerojê de navendên xwecih yên girêdayî projeyên kilînkên gerok bêne avakirin.”
