Esma Mistefa/Qamişlo
Di 1’ê gulanê de hat eşkerekirina ku Rojnamevan Ekrem Salih û Kamîrevan Cûdî Hac Elî yên kenala Şanel 8 ku ji bo şopandina rewşa Sahnaya derbasî Şamê bû bûn, hatine windakirin.
Yekîtiya Ragihandina Azad li Bakur û Rojhilatê Sûriyê derbarê windakirina herdu rêhevalên rojnamevan de Daxuyaniyek dan.
Di daxuyaniyê de ev hate gotin.
Têkiliya bi rojnamevanên hevkar Akram Salêh û kamîrevan Cûdî Haj Elî re qut bûn. Dema ku bûyerên li bajarokê Eşrefiye Sahnaya li gundewarê Şamê dişopand. Ev yek piştî kontrolkirina bajarok ji aliyê Ewlekariya Giştî ya li Şamê li ser pevçûnên hatine pêkanîn re, pêk hat.
Yekîtiya Ragihandina Azad qutbûna têkiliyê bi herdu hevkarên xwe re dişopîne, her wiha ew bang li rayedarên peywendîdar dike ku demildest çarenûsa wan eşkere bikin.
Her wiha em bang li rêxistinên navneteweyî yên bi parastina rojnamevanan re eleqedarin dikin ku bi berpirsyartiyên xwe rabin û çarenûsa hevkarên me Ekrem Salih û Cûdî Haj Elî eşkere bikin. Ji bo parastina rojnamevanan li Sûriyeyê bi giştî û misogerkirina şert û mercên ji bo pratîkkirina karê rojnamevaniyê bi awayekî azad, divê kar bikin; ji ber ku rewş xeternak bûye û ewlehiya hemû rojnamevanan tehdît dike, em tekez dikin ku Hikumeta Şamê li hember rewşa rêhevalên me yên windayî berpirsyar e, her wiha divê kiryarên ku rastî rojnamevanan tên, bên sekinandin.
