Li ser banga Desteya Jin a Neteweyên Yekbûyî û bi sponseriya Meclisa jinên Sûriyê li bajarê Qamişlo forma dan û standinên jinên Sûriyê hat lidarxstin. Di formê de, kar û pêwîstiyên serke yên jinên Sûriyê hatin gotubêjkirin, her eiha girîngiya beşdarbûna jinê di nivîsandina destûra Sûriyê de jî hat nîqaşkirin.
Jinên ji tevahî bajarên Sûriyê tevlî formê bûn nêrîn û dîtinên xwe bi rojnameya me re parvekirin.
‘DİVÊ JİN Dİ NİVÎSANDİNA DESTÛRÊ DE CİH BİGİRİN’
Endama komîteya Amedekar a Formê Kewser Kindî armanca vê xebatê diyar kir ku ji bo pêşxistina jinê gaveke girînge û wiha axivî: hemû rêxistin û saziyên jin li Bakurê Sûriyê, her wiha yên Xweser ji bilî Efrîn û Şehba beşdarî vê formê bûn. di nav nîqaşan de girîngiya çalakirina xebatên jinê di hemû qadên jiyanê de, her wiha girîngiya beşdarbûna jinê di nivîsandina destûra Sûriyê de.
Kewser di dawiya axaftina xwe de got: em ê van mijaran radestî Desteya jinê ya NY’ê kirin. Ta ku projeyên jinan ber bi çav bê girtin û dengê wan hebe.
‘EM Jİ BO ÇARESERİYA PİRSGİRÊKÊN JİNÊ KOM BÛN’
Cîgira Berdevaka gîştî a MSD’ê jin Sîham Qiryo diyar kir ku armanca wan ji tevlîbûna formê xurtkirina rola jinê ye û wiha got: “Di salên aloziya Sûriyê de, jin rastî destdirêjiya cinsî û derûnî, her wiha destirêjî li cenazeyên wan hatin kirin. Lewra başdarbûna jinên Sûriyê di formê de ji bo çareserkirina pirsgirêkên jinan girînge.”
Sîham dazanîn ku formeya danûstandinê û pêşniyarên jinên Sûriyê li Lubnanê hatibû lidarxistin; lê wekî jinên rojhilatê bakurê Sûriyê cara yekemîne li herêmê xwe li hev kom dibin. Sîham bang ji jinan kiri ku xwedî li xwe derkevin û di derbarê zagonên parastina jinê de tekoşînê berdewam bikin.
JINÊN BAJARÊN NÛ RIZGARKIRÎ JÎ TEVLÎ BÛN
Endama Bîroya Kar û Barên Rêxistina jinê ya bajarê Qamişlo Sîlva Ibrahîm destnîşan kir ku di encamê nîqaşan de pirsgirêk û pêwîstiyên serke yên jinan hatin tesbîtkirin.
Sîlava dazanîn ku jinên herêmên mîna Tebqa, minbi û Reqayê yên ku gelek zordarî dîtin bi awayek çalak beşdarî formê bûn, pêşniyar û nêrînên xwe jî anîn ziman.
Melek DEMÎRTAŞ
