Ayşa Silêman/Qamişlo
Hevserokê Rêveberiya Dibistanan a Bajarê Dêrikê Mezlûm Hesam diyar kir ku ew bi hemû awayî bi xwendekarên xwe re dibin alîkar da ku di dibistanê de bi rehetî waneyên xwe bibin û wiha got:”Em wek malbat nîzî xwendekaran dibin, da ku derûniya wan rehat be.”
Hijmara maosteya di bajarê Dêrikê de 900 mamoste ne, her mamosteyek li gor beşê wa yên xwendinê û perwerdeya ku dîtîn li ser dibistanan hatine belavkirin. Hijmara xwendekaran 1500 xwendekarin. Hijmara dibistanan di bajarê Dêrikê û gundewarên girêdayî wê de 82 dibistanin. Bi giştî 9 dibistan di bajarê Dêrikê de hatin çeksaz kirin.
Di derbarê kar û xebatên perwerdeyê Hevserokê Rêveberiya Dibistanên Bajarê Dêrikê Mezlûm Hesam ji Rojnameya me re axivî.
Kar û xebat
Mezlûm Hesam da zanîn ku di destpêka sala xwendinê ya sala 2024- 2025’an ve hemû mamoste li gor beşên wan hatin belavkirin û wiha got: “Di her qonaxeke xwendinê de helbet wê astengî derkevin, çi di milê xwendekaran de çi jî di milê mamosteyan de be. Îsal jî ji ber serma zêde em neçar man çend rojan dibistanan rawestînin ji ber ku hijmareke mezin ji xwendekaran bi nexweşiyê zivistanê ketin. Di heman demê de astengiya herî mezin a ku derketî pêşiya me êrişên dagirkeriya Tirk li ser çapxaneya pirtûkan bû. Ev yek bandor kir ku pirtûkan dereng bikevin heya ku bighêjin di nav destê me de. Lê me karî em vê yekê jî derbas bikin û niha jî xwendekar bi rehetî waneyê xwe dibin. Her havîn mamoste li ser biranşan tên perwerdekirin. Îsal jî di refa 1, 4, 7 û 10’an de guhertin di minhacê wan de çêbû. Mamosteyên me perwerde li ser guhertina vî minhacî dîtin. Her havîn em dibistanan çeksaz dikin da ku di sala xwendinê ya nû de xwendekar astengiyan nebîne.”
Hevserokê Rêveberiya Dibistanên Bajarê Dêrikê Mezlûm Hesam axaftinên xwe bidawî kirin û wiha got: “Havînî wek piroje li pêşiya me ye ku guhertin di minhacê refên din de jî çêbibe. Her wiha dibistanên ku hewcedarî çeksazkirinê ne em wan çeksaz bikin. Daxwaza me ew ku xwendekarên me bi serkeftî xwendina xwe derbas bikin û êrişîn dagirkeriya Tirk werin rawestandin da ku xwendekar bi rehetî bikaribin xwendina xwe berdewam bikin.”
