HDP’ê danezana xwe ya aboriyê eşkere kir. Di danezanê de hate ragihandin ku AKP’ê welat xistiye nava krîzê û işaret bi bernameya aboriyê ya HDP’ê hate kirin.
Danezana Aboriyê ya HDP’ê ku ji bo hilbijartinên 24’ê Hezîranê hate amadekirin ji aliyê Hevserokê Giştî Sezaî Temellî ve bi civînekê hate eşkerekirin. Alîkarê Hevserokan ê ji Aboriyê Berpirsyar Garo Paylan û namzetê HDP’ê yê Stenbolê Erol Katircioglû jî tevlî civînê bûn.
Di danezanê de hate ragihandin ku AKP’ê rê li ber krîza aboriyê vekiriye, aboriya rantê afirandiye û hate destnîşankirin ku bi rejîma ‘şexsekî’ re deynê derve nikare bê dayin.
Di danezanê de hate destnîşankirin ku bi bernameya aboriyê ya HDP’ê re wê bêhn bê ber civakê û hate gotin, ji bo derketina ji nava krîzê beriya her tiştî pêwîstî bi aramiyê heye.
HDP’ê diyar kir, ku ji bo bicihanîna armancên xwe wê sê bernameyan bixin meriyetê û ji bo her sê bernameyan jî got, “Bernameya belavkirinê ya mafdar, bernameya mafên civakî û bernameya jiyana bê deyn.”
Danezana aboriyê hat xuyakirin
