Meclîsa Jinê ya HDK-A Baselê, di Hefteya Têkoşîna li dijî Windayên Destgîrkirî ya Navneteweyî de, ji bo piştgiriyê bide Dayikên Şemiyê çalakiyek li dar xist.
Li bajarê Basel ê Swîsreyê, ji bo piştgirî ji Dayikên Şemiyê re bê dayin çalakiyek hate rêxistinkirin.
Meclîsa Jinê ya HDK-A Basel, bi wesîleya 17-31’ê Gulanê Hefteya Têkoşîna li dijî Windayên Destgîrkirî ya Navneteweyî li Claraplatzê çalakiya rûniştinê pêk anî û Dayikên Şemiyê silav kir.
Di çalakiyê de belavokên bi Elmanî hatin belavkirin û wêneyên windayan hatin vekirin û ji bo windayan temsîl bike, pêlavên bê benik hatin danîn.
Berdevka HDK-A Baselê Gulderen Sevîm li vê derê daxuyaniyek da çapemeniyê û diyar kir ku windakirin li Tirkiyeyê polîtîkayeke dewletê ye.Çalakiya ku bal kişand bi qîrîna dirûşma “Yên ku winda kirine wê bi xwe winda bikin” qediya.
Piştgiriya Dayikên Şemiyê kirin
