Di çarçoveya kar û xebatên Komîteya Şaredariyan û Hawîrdorê ya bajaroka Eyn Dîwarê de, projeya sererastkirina riya di navbera bajarok û gundê El-Zehriyê de bi hevkariya şîrketa Rojava a xizmetguzariyan hate dest pêkirin.
Di qonaxa yekemîn a projeyê de kevirên hûr li ser riya ku 20 km e tê raxistin.
Endamê Meclîsa Bajaroka Eyn Dîwar Merwan Mihemed got ku qonaxa yekemîn a projeyê ev demeke dest pê kiriye û di qonaxa duyemîn de jî rê dê were qîrkirin.
Girîngiya sererastkirina vê riyê ew e ku 15 gundên li nêzî sînor bi bajaroka Eyn Dîwarê ve tên girêdan û pirsgirêkên welatiyan ên çûn û hatinê bi taybet di demsalên zivistanê de çareser dike.
Rê tên sererastkirin
