Komîteya Tendirûstiyê ya Meclîsa navçeya El-Erîşa bi armanca alîkariya şêniyên herêmê yekem navenda Tenduristiyê li navçeyê vekir.
Komîteya Tenduristiyê yekem navenda tenduristiyê li navçeya El-Erîşa vekir. Navenda Tenduristiyê dê alîkariya şêniyên 50 gundên navçeyê bike. Navend bi merasîmekê hate vekirin. Bi sedan şêniyên navçeya El-Erîşa, Şedadê û Hesekê beşdarî merasîmê bûn.Di merasîmê de yek ji rêveberên komîteya Tenduristiyê ya bajarê Hesekê Dr. Faris Hemo axivî û diyar kir ku ji ber rewşên zehmet wan navend vekir û xwestin bi vê yekê alîkariya şêniyên 50 gundî bikin. Faris Hemo destnîşan kir ku derman wê bê pere li şêniyên gundên di navbera bajaroka El-Hedîda û Qana de were belavkirin.
Endamê Meclîsa navçeya El-Erîşa Hemûd El-Elî axivî û vekirina navendê li hemû şêniyan pîroz kir.
Paşê deriyê navendê ji aliyê dayîka şehîd Xelîl El-Ehmed ve hate vekirin. Merasîm bi xelekên gevenê bidawî bû…ANHA
Navenda tenduristiyê li El-Erîşa hate vekirin
