Hafiz Ahmet Turhalli
Me salekî din li pey xwe hişt. Zaliman zulma xwe berdewam kir, mezlûman jî berxwedan û tekoşîna xwe bê navber meşandin. Bê guman her dem û sal jî, ji jiyana me kêm dike. Em karibin çiqas tiştên baş û xweş bikin, ji bo me ewqas pêşveçune.
Kesê Bawermend divê hesabê xwe li gor kiryarên xwe bizanibe. Divê mirov karû barên baş pêşxîne û başiyan zede bike.
Sala 2024’an ji bo me Kurdan salakî dijwar bû. Ev pêncî sale em tekoşînekî bê hempa dimeşînin, dimrin, dikevin, radibin, tên girtin û têdikoşin.
Sala çûyî ji stûnên dagirkerên Kurdistanê yek din jî helweşîya. Sûriyeya ku jêre digotin Sûriya Ereban an rjîma Baasê, rûxiya û serokê rejîmê reva rev, xwe gîhiştand Rusyayê. Rejîma Baas bi sed hezaran mirov koçber kirin, kuştin zîndanî kirin, heman aqubet bi serê wêde jî hat. Wek Ppêşiyên me Kurdan gotine “Tu çi bajo, tû yê wê biçînî”
Kesên ku van planên zilmê û nebaşiyan çêdikin, divê ji salên bûrî û dîrokê dersan wergirin. Plan û projeyên ji bo desthelata nû hatine çêkirinê jî, ger ser zilm û neheqiyan bimeşîn dê ewjî biruxin.
Kesên neha erka Sûriyê girtine, ji Tirkmenistanê bigre heta Urdunê, kesayetên ne ji ser xaka sûriyêne! Lê kesên niştecîhên Sûriyê dikujin, qetil dikin û zîndanî dikin.
Gelo ev rewşa neha hatiye dîyarkirin, ew ê karibe were daqultandin? Tramp bu serokê dewletên yekbûyî Emerikayê. Rûsya ji Rojhelata Navîn hate qewitandin. Hilweşîna sûriyê hevsengiya siyasetê li Rojhelata Navîn tevlî hev kir. Diyare kesê sîstemên xwe neguherînin û xwe nujen nekin, ew ê werin têk birin.
Guhertin divê ne li gor hêlekî, an terefekî be, divê guhertin li gor xaka Sûriyê, kêm netewên wê, cudahiya Ol û mezhebên wê werin amade kirin. Ger desthelattdarê neha jî, xwe binavê sunnîtiyê liser gelan û olan ferz bikin, her aqibeta Beşar dê li sere wanbe.
Sala çuyi me çi karibû pêk bi anîta, me ne anî? Kurdan destkeftî bi dest xistin, divê ev destkeftî werin mezin kirin, pêştexistin û misogerkirin. Gelê me kare jibo rojhelata navîn, bibe mînak: Weke di dîroka mirovahiyêde gellekî caran buye pêşengê aşitî aramî û azadiyê. Împaratoriya Medan, Ebû Muslîmê Xoresan û Selheddînê Eyyûbî weke tecrûbeyên dîrokî di deste medene. Rojhelata navîn dikele, dewleta Tirk fîtnekariya xwe bê navber didomîne û dixwaze desthelata xwe berfirehtir bike. Gelo dê ew derfet jibo wî hebe an na? Sala çu Rûsya, Îranê, Lubnanê, Hîzbullahê, Hamasê û Sûriye bun hêla têkçuyiyan. Lê kifşeye jibo salî tazejî van aliyan ji buyeran, ders negirtine û guhirtinên jibo gelên ser xakên xwe ne amadene. Tirkiyejî li tembura par dixe, ev jî dide xuya kirin ku, li beramber guherînan, bi taybet di meseleya Kurdî de ser parametreyên berê dimeşe. Ev meşa Tirkiyê aqîbeta Suriyê wê bixwer bîne.
Pirsgirêkên meyên navxweyijî zelal nebune. Hêjî aliyên di bin bandora politikaya dewleta Tirkande mane û jibo berjewendiyên wan sîyasetê dikin hene. Divê zutirîn dem Kurd liser Berjewendiyên xweyê netewî yekrêziya mala xwe pêk bînin.
Sala 2025’an divê di Rojavayê Kurdîstanêde yekitiya meya netewî were bi cîh kirin. Serkeftina Rojava serkeftina Rojhelata Navîne.
