Rêveberê Tevgera Ciwanên Ereb a Reqayê Adil EL-Elî diyar kir ku ji dema navenda pêşxistina ciwanan li Reqayê hatiye vekirin gelek ciwanan navê xwe lê qeyd kirine.
Tevgera Ciwanên Ereb a Reqayê bi armanca rêxistin û pêşxistina rola ciwanan di nava civakê de bi durişmeya “ciwan pêşengên guhertina Sûriya pêşerojê ne” li gundê Sehlebiyê yê rojava Reqa lidar xist.
Civîn bi deqeyeke rêzgirtinê destpê kir, piştre li ser nave Tevgera Ciwanên Ereb a Demokratîk Adil EL-Elî axivî û bal kişand ser rola ciwanan di civakê de, her wiha da zanîn ku ciwan dikarin nifşên nû amade bikin û asta wan a pêşxistinê zêde bikin.
Di berdewama civînê de Endamê Rêveber ê Tevgera Ciwanên Ereb ê rojavayê herema Reqa Ibrahîm EL-Îsa axivî û wiha got: “Îro me ev civîn ji bo danasîn û komkirina ciwanan lidar xistiye. Armanca me ew e ku ciwan di pêşengiya civakê de karibin rola xwe ya pêşeng bigirin.”
Di dawiya civînê de gelek ciwanan nave li gel Tevgera Ciwanan qeyd kirin…ANHA
Ciwanên Reqayê xwe bi rêxistin dikin
