Dilovan Kêfo/Amûdê
Hunermeda Kurd Lorîn Dirê’î diyar kir ku wê bi israra xwe xewin û xeyalên xwe yên fêrbûna muzîkê pêk anî û wiha got: “Ez bi rêya muzîka xwe peyama xwe didim derdorê.”
Hunermeda Kurd Lorîn Dirê’î di sala 2000 an de li bajarê Amûdê ji dayik bûye û xwendina xwe ya seretayî, navîn û amedahî li bajarê Amûdê temam kiriye. Piştere ew derbasî Zanîngehê laziqiyê bûye û beşê Biyolojya li wir xwendiye.
Ji ber ku malbta Lorîn malbateke hunerî ye, hunerê bala wê kişandiye. Piştî qedandina zanîngehê û ji ber heskirna wê ya ji mozîk re, wê dest bi karê hunerî kiriye.
Derbarê hunera mozîkjenî û stranbêjiyê de, hunermenda kurd Lorîn Dirêî ji rojnameya me re axivî.
Lorîn di destpêka axaftina xwe de wiha got: “Destpêkirina min dikarê mozîk û hunerê re de sala 2010’an de bû. Dema ku min xwe dît ez ji hunerê hez dikin, min xwe fêrî kemanê kir. Min li kemanê dixist di wê demê de mamoste yên min min fêrî Mûzîk kir bi awakyekî akadîmî fêrî mûzîkê kir û di wê demê de min xwe bêtir pêş xist û min dest bi karê hunermendiyê kir . Piştre me komek çêkir bi navê Şana û em di gelek şahiyan de beşdar bûn.”
‘Huner dilê civakê ye’
Lorîn wiha domand: “Tu rengên min yên cûda tûne y ez bi hemû awayan sitranan dibêjim ji ber ku divê hûnermen bi hemû awayan zanibe sitranan bêje, mozîk û karê hunerî mîna deryayê ye. Tu çiqsî ji ava aşqa mozîkê û hunerê vexwe tu têr nabe .Di rêwîtiya min ya hûnerî de herî zêde malbata min piştgiriya min re bûn alîkar. Zehemetiyên ku min didîtin ew e ku kêmbûna cihên hunerî û tinebûna cihên qeydkirina sitranan. Huner dilê civakê ye, canê civakê ye û hestên civakê derdixe holê. Ji ber wê ez herdem ji bo civakê kar dikim, ez hewil didim hunera kurdî bi tevahiya cîhanê bidim nîşandan. Tevahiya pirsgirêkên ku li pêş min derketin min ji xwe nekir astengî, mi bi hezkirin û biryardariyeke mezin meşa xwe ya huner dewam kir.”
‘Li xewin û xeyalên xwe xwedî derkevin’
Hunermenda ciwan Lorîn Dirê’î bang tevahiya ciwanên kurd kir ku li hunera kurd xwedî derkevin û axaftina xwe wiha qedand: “Ez bang ciwana dikim ku xewin û xeyalên xwe pêk bînin, herwiha li hunera kurdî xwedî derkevin. Bi rêya xwebawerî û israrê mirov dighêje armanca xwe û tevahiya zehmetiyên jiyanê derbas dike. “
