Ayşa Silêman/ Dêrik
Çand û hunera Dicle ya Bajarê Dêrikê derbarê xebatên Zarhunera Havînî de di bin silogana ‘Em ê xwe fêrî xweşikbûn û zanistê bikin’ dest bi perwerdekirina zarokan kiriye.
Perwerdeya Muzîk, wêne û şanoyê ji 1’ê Pûşber dest pê kir û wê heyanî 2 meh û nîvan berdewam bike.
Li bajarê Dêrikê beşê wêne mamoste Leyla dide, beşê şano mamoste Simko dide û beşê mozîkê jî mamoste Rewşen û Şivan didin. Her wiha li kampa Newroz jî mamostê şano û wêne wê perwerdeyê bidin. Heta niha zarokên ku li kampa Newroz hatine qydkirin 40 zarokin û li bajarê Dêrikê armanc ew e xwe gihandina 150 zarokî. Di heman demê de çand û hunerê têkilî bi Meclisa Malbatên Şehîdan re jî kiriye da ku hemû zarokên şehîdan ên li herêma Dêrikê tevlî vê perwerdeyê bikin. Wê ev perwerde du meh û nîvan berdewam bike armanc ew e ku di dawiyê de du şanoyên zarokan werin amade kirin, 4 stran jî werin amadekirin 3 ji wan bi awayekî ritimlî zêdeyî 100 zarokî li ser sehnê û stirana din jî taybet ji bo zarokan were çêkirin. Di heman demê de dema berê stranek li bajarê Dêrikê hatibû qeydkirin çand û huner dixwaze wek zarokên Dêrikê vê Stranê bikin berhemek kilîp. Her wiha ji bo wêne çand û huner difikirin ku ev zarokên ku perwerdeyê dibînin tevlî pêşengeha navendî bibin, ji ber ku ev pêşengeh li ser asta Bakur û Rojhilatî Sûrî ye, 1984 wêne tevlî vê pêşengehê dibin armanca çand û hunerê ew e ku herî kêm ji bajarê Dêrikê 150 wêne tevlî bibin.
Ji ber hatina cejna Qurbanê çand û hunerê 4 rojan navberê dide zarokan, ji ber hatina cejnê hinek kêmasî derketin lê pêştî cejnê wê hemû zarokên qeyd kirî wê tevlî bibin.
