Torên ava parkên bajêr tên sererast kirin

Beşê Hawîrdorê yê girêdayî Buroya Xizmetguzariyan a Şaredariya Gel a bajarê Tebqayê toreya ava parkên bajêr sererast dike.
Di serdema dagirkeriya çeteyên DAIŞ’ê li Tebqayê de pompên derxistina avê yên avdana darên parkên bajêr hatin xirabkirin.
Piştî ku bajar ji aliyê Hêzên Sûriya Demokratîk di 10’ê gulana sala borî de hate rizgarkirin, xebatên sererastkirina hemû aliyên bajêr dest pê kirin.
Li gorî Beşê Hawîrdorê xebatên heta niha pêk hatine elektrîk ji pompê re hatiye peyda kirin û dê di demeke nêzî de pompe were sererastkirin.
Girêdayî mijarê hevserokê Beşê Hawîrdorê ya Şaredariya Gel a Tebqayê Cemal Ebdilletîf da zanîn ku ev pompe ava avdanê ji toreya avê ya herdu parkên Nexweşxaneya El-Wetenî û Navenda Çand û Hunerê û Depoya avê ya rojhilat re peyda dike.
Bi amadekirina vê pompê ava avdana darên herdu parkan dê were peyda kirin û herdu park dê ji nû ve bêne geşkirin…ANHA