Kampa Jîneolojiyê ya Jinên Ciwan bi coşeke mezin bi dawî bû. Jinên Ciwan ên ku beşdarî Kampa Jîneolojiyê bûn diyar kirin ku Jîneolojî pênaseya xwenasîn û pêşketina kesayetên jixwebawer in.
Kampa Jîneolojiyê ya Jinên Ciwan ku di 21’ê Gulanê de li Gundê Jinwarê yê girêdayî Dirbesiyê, bi tevlîbûna 40 jinên ciwan dest pê kiribû, bi dawî bû. Di Kampa Jîneolojiyê ya Jinên Ciwan de li ser gelek mijarên derbarê jin de ders hatin dîtin. Jinên ku beşdarî Kampa Jîneolojiyê ya Jinên Ciwan bûn anîn ziman ku bi perwerdeya Kampa Jîneolojiyê di derbarê gelek mijaran de ew bûne xwedî agahî.
Endama Komiteya Jîneolojiyê ya Gundê Jînwarê Rûmet Heval wiha got: “Perwerdeya Kampa Jîneolojiyê ya Jinên Ciwan hefteyekê dewam kir. Perwerde bêtir bi nîqaşan derbas bû. Li ser gelek mijarên gîrêdayî jinan ders hatin dîtin. Perwerde têr û tije derbas bû.”
ARMANC XWE
NAS KIRINE
Endama Komîteya Amadekar a Perwerdeya Jîneolojiyê Tîjda Devrîm wiha got: “Ez wekî Şoreşgera Enternasyonal ji Fransayê tevlî Şoreşa Rojava bûm. Bi naskirina Şoreşa Rojava gelek tişt di kesayeta min de guherîn. Armanca Perwerdeya Jîneolojiyê ew bû ku Jinên Ciwan Jîneolojiyê û xwe nas bikin. Di heman demê de ji bo jinên ciwan bibin xwedî vîneke xurt ev perwerdeya Jîneolojiyê pêwist e. Bi naskirina Jîneolojiyê mirov dibe xwedî vîneke azad.”…JINNEWS