Beşê Hawîrdorê yê girêdayî Buroya Xizmetguzariyan a Şaredariya Gel a bajarê Tebqayê toreya ava baxçeyên bajêr sererast dike.
Di serdema dagirkeriya çeteyên DAIŞ’ê li Tebqayê de pompên derxistina avê yên avdana darên bajêr hatin rûxandin.
Piştî ku Hêzên Sûriya Demokratîk QSD’ê di 10’ê gulana sala borî de hate rizgarkirin, xebatên sererastkirina hemû devarên bajêr dest pê kirin.
Pompa sereke ya avdana baxçeyan li aliyê bakur-rojavayê bajêr dikeve û avê bi qasî 16 inç derdixîne.
Li gorî Beşê Hawîrdorê xebatên heta niha pêk hatine ceyran ji pompê re hatiye peyda kirin û dê di demeke nêz de pompe were sererastkirin.
Girêdayî mijarê Hevserokê Beşê Hawîrdorê ya Şaredariya Gel a Tebqayê Cemal Ebdilletîf got ku ev pompe ava avdanê ji toreya avê ya herdu baxçeyên Nexweşxaneya El-Wetenî û Navenda Çand û Hunerê û Depoya avê ya rojhilat re peyda dike.
Bi amadekirina vê pompê ava avdana darên herdu baxçeyan dê were peyda kirin û ji nû ve bêne vejandin.
Tê payîn ku xebatên sererastkirina pompa avê di van du hefteyan de bi dawî bibin. ANHA
Posta çûyî
Posta tê