Parêzerê Efrînî Îsrafîl Bakîr Mustefa ku niha li Şehbayê dimîne diyar kir ku dewleta tirk û çeteyên wê bacê li ser welatiyên Efrînê yên ku dixwazin biçin nava zeviyên xwe ferz dikin. Mustefa hişyarî da û got “ divê gelê me xwe mecbûrî vegera di bin banê dagirkeriyê de nebîne, gelê me serbilind e û divê bi serbilindî vegere.
Parêzer Îsrafîl Bakîr Mustefa yê ji gundê Merwaniya jêrin e got ku; ew ji rojên destpêkê ve hovîtiya dagirkeriya Tirk li ser Efrînê belge dike. Mustefa tekez kir ku niha faşîzma Tirk û çeteyên wê nahêlin gelê me biçe nav zeviyên xwe û bacê lê ferz dikin.
10 HEZAR DOLAR DISTÎNİN
Mustefa mînaka mala Hec Muzefer ê ji gundê Merwaniya jorîn dide: Ji bo ku zeviyên xwe cot bikin û genimê xwe biçînin, ji her birayekî 10 Hezar dolar dixwazin. Ev ji bilî dizî, talan, bênamûsî û destdirêjiyê ye. Mustefa ji rojên destpêkê yên şer ve binbêkirinên dewleta tirk belge dike, Mustefa dazanîn ku tiştên hatine belgekirin li gorî kiryarên tên kirin gelek kêm e, rojane mirov tên kuştin, revandin û îşkencekirin.
GELÊ ME LAYÎQÎ
JİYANEK AZAD E
Derbarê Roja Cîhanî ya li dijî dagirkeriya Tirk ji Kurdistan û Efrînê re Mustefa got: Gelê Kurd keda xwe ji ber tevahî mirovahiyê daye, careke din isbat dike ku layîqî jiyaneke azad e. Wê ti carî milk û malê xwe di bin destê dagirkeriyê de nehêle. Yên ku împeratoriya DAIŞ şikandine Kurd bûn. Tekez wê mirovahî xwedî li vê gelê qehreman derkeve û li hemberî dagirkeriyê bi tenê nehêle.
EM Ê SERBİLİND
VEGİRİN
Parêzer Îsrafîl Bakîr Mustefa di dawiya axaftina xwe de bang li kesên ku xwe mecbûrî vegerê dibînin kir û got: Bila gelê me vê şaştiya dîrokî neke. Gelê fêrî jiyana serbilind bûye, bila stûyê xwe nexe bin kêra celadan.
Idrîs HENAN