Îsal di rojên dawî yên buharê de baran gelekî bariya. Ji ber Herikîna lehiyan riya di navbera gundê Dawûdiyê û pakrewangeha Şehîd Dijwar a Hesekê xirabû. Di encamê de çûn û hatin asteng bûye. Şaredariya Hesekê jî heya niha bersiva çima rê sererast nebûye ne daye.
Pakrewngeh li nêzî gundê Dawûdiyê yê bajarê Hesekê hatiye avakirin, ji ber vê yekê bi hezaran welatî û malbatên şehîdan serdanê dikin. Di van demên dawî de, ji ber barîna baranê û herikîna lehiyan riya di navbera gundê û pakrewangehê de hate birrîn.
Niha welatiyên herêmê ji bo serdanan astengiyan dikişînin. Tevî ku gelek daxwazname ji Şaredariya Gel a bajarê Hesekê re hatin pêşkêşkirin, lê dîsa jî ev du meh in ti bersiv ji van daxwaznameyên sererastkirina rê re nehatine.
Welatiyê bi navê Ebdilmecîd El-Elî diyar kir ku şaredariyê sererastkirina rê paşguh kiriye û got ku eger rê wisa bimîne gelek qezayên trafîkê dê li ser rê rû bidin.
El-Elî bang li aliyên têkildar kir ku bi baldarî mijarê bigirin dest û pirsgirêkê di demeke lezgîn de çareser bikin.
Rayedarên şaredariya gel a Hesekê jî hîn tu bersiv an daxuyanî di derbarê zelalkirina mijarê de ne daye…ANHA
Posta çûyî