Berdevkê Fermî yê Meclîsa Leşkerî ya Minbicê Şervan Derwîş vekişandina Meclîsa Leşkerî ya Minbicê ji bajarê Minbicê derewand û tekez kir ku gelek alî dixwazin ewlehî û aramiya herêmê tevlî hev bikin, lewma agahiyên berovajî belav dikin.
Berdevkê Fermî yê Meclîsa Leşkerî yê Minbicê Şervan Derwîş diyar kir ku gelek dezgehên çapemeniyê dibêjin Meclîsa Leşkerî ya Minbicê xwe ji bajarê Minbicê vekişandine da ku artêşa Tirk a dagirker derbasî wê bibin.
Derwêş da zanîn ku Meclîsa Leşkerî ya Minbicê û Hêzên Koalîsyonê di nava hevkariyê de ne û destnîşan kir ku gotinên hatin belavkirin derbarê vekşandina Meclîsa Leşkerî ji bajêr derewin. Gelek alî hene dixwazin aramî û ewlehiya li herêm tevlî hev bikin. ji ber wê agahiyên wiha belav dikin.”
Derwêş diyar kir ku heta niha koalîsyon û Tirkiye derbarê çarenûsa Minbicê de ne gihiştine tu itîfaqan.
Berdevkê Fermî yê Meclîsa Leşkerî yê Minbicê Şervan Derwêş destnîşan kir ku şandeyek ji Wezareta Karê Derve ya Amarîka serdana Meclîsa Leşkerî ya Minbicê kir û tekez kirin ku ew ê piştgiriya Meclîsa Leşkerî ya Minbicê bikin…ANHA
Derwêş: Em ji Minbicê venakişin
