Namzetê parlamenteriyê yê HDP’ê Omer Ocalan, bertek nîşanî polîtîkayên hikûmetê da û wiha got: “Dibêjin HDP perçekirinê dike. Lê em dibêjin yên esil perçe dikin ew in. Wan perçe kir em wek HDP em ê ava bikin û bikin yek.
Namzetê parlamenteriyê yê Partiya Demokratîk a Gelan (HDP) yê Rihayê û Biraziyê Rêberê Gelê Kurd Abdullah Ocalan, Omer Ocalan, derbarê polîtîkayên HDP’ê axivî. Ocalan ku 2 salan serokê HDP’ê yê Mêrdîn bû, niha mamzetê HDP’ê yê Rihayê ye.
HDP NAVNÎŞANA ÇARESERIYÊ YE
Ocalan, bal kişand ser pirsgirêkên Tirkiye û rêbazên çareseriyê û da zanîn ku tenê rêya çareseriyê HDP ye. Ocalan, anî ziman ku HDP navnîşana reng û baweriyan, demokrasî, azadî, aştî û edalete ye. “Her kes xwedî yek fikir e ku hikûmeta AKP’ê tu tişt ji gel re neanî. Her kes bawer dike ku civak perçe kir. Niha Tirkiye li ser kendal e. Bajarên hatin xerakirin û talankirin hene. Ev politîka pirsgirêka kurd çareser nake. Ji bo em rol û misyona xwe bilîzin me biryar stend ku di nava HDP’ê de cih bigirin. Pirsgirêkên welat ên kûr hene. Pirsgirêka kurd, pirsgirêka aborî û pirsgirêka siyasî heye. Ji bo ev pirsgirêk çareser bibin em dixwazin siyaseta demokratîk pêş bikeve.”
DIVÊ EM AŞTIYÊ
FERZ BIKIN
Ocalan bal kişand ser îtîfaqa Cumhur a di navbera AKP, MHP û BBP’ê de û wiha got: “Ev îtîfaq nîşan dide ku HDP çiqas xurt bûye. Lê divê em bêtir xurt bibin. Ji ber ku pirsgirêkên Tirkiye pir mezin in û divê em wan çareser bikin. Divê em aştiyê li ser her kesî ferz bikin. Tu girêdana me û nêzîkbûna me bi îtîfaqên millet û cumhur re tune ye. Li Tirkiye HDP ji aliyê partiyên din ve wekî dijmin hat dîtin. HDP dê di çareseriya pirsgirêkên siyasî û civakî de rolek mezin bide ser xwe. Niha HDP’ê wekî partiya cudakar dibînin. Lê em dibêjin yên Tirkiye perçe dikin ew bi xwe ne. Ew perçe û xera dikin. HDP jî komî ser hev dike û ava dike.”…MA
Posta çûyî
Posta tê