Namzetê HDP’ê yê serokkomariyê Selaheddîn Demîrtaş diyar ku rola HDP’ê a di hilbijartinan de roleke krîtîk û sereke ye û bal kişand li ser girîngiya parastina dengan.
Namzetê HDP’ê yê serokkomariyê Selahddîn Demîrtaş ji rojnameya The Natîonal re axivî ya ku li Emîrtiya Ereban a Yekgirtî bi Îngilîzî weşanê dike. Demîrtaş bi rêya parêzeran bersiv da pirsên rojnameyê.
‘Demîrtaş got ku, “Di vî halî de kî bi ser bikeve, gelo ew ê karibe bi dilekî fireh li ser wê paldankê rûne? Hê ev pêşbazî didome, ez di girtîgehê de me. Ji ber vê jî kî were hilbijartin ew ê meşrûiyeta wî/ê qels be.”
Demîrtaş diyar kir ku ew kampanyaya hilbijartinê bi rê ve nabe, tenê kampanyaya li derve dixwaze motîve bike.
Demîrtaş bal kişand ser vî tiştî ku HDP ‘aktorekî sereke ye’ û got “Siyaset ne bi tenê ji bo Kurdan, ji bo kesên ne li ser fikra AKP’ê ne jî, hatiye tengkirin.”
Demîrtaş diyar kir ku heke ew were hilbijartin ew ê rayeyan belav bike û got, “Li ser wê paldankê ya ku gelek rayeyê min ew ê hebe, piştî bidawîbûna peywira min, ez ê rahêlim çakêtê xwe û ez ê herim.”
Demîrtaş li dijî hîleyên AKP-MHP’ê hişyarî da û wiha got; “Di hilbijartinan de li dijî binpêkirin û karê ne li rê divê em dengê xwe biparêzin.”
Di nûçeya rojnameyê de wiha tê gotin; “Li gorî gelek çavdêran piştî hilbijartinan Erdogan ku serokkomariyê qezenç bike lê li meclîsê zêdeyî bi dest nexe, wê carek din banga hilbijartinê bike bi guman in”, Demîrtaş wiha got; “Di aliyê aborî, siyasî û civakî de ev welat ne di rewşa hilbijartineke din de ye.”
Demîrtaş: Divê em dengê xwe biparêzin
