Saziya Karûbarên Olî di navenda Meclîsa Jinên Tebqayê de komîteya karûbarên olî ya jinan ava kir.
Bi armanca ku rola jin di hemû ol’an de were destnîşan kirin û were nîşandan ku karûbarên olî ne tenê girêdayî mêran e, Komîteya Olî ya Karûbarên Jinan hate avakirin.
Armanca komîteyê ew e ku wekheviya di navbera jin û mêr de û rola jinê di ol’an de û bi taybet di ola Îslamê de diyar bike. Ji ber ku jin rola xwe di hemû aliyên jiyanê de dilîze û cihê xwe di çeperên şer de jî digre.
Ev komîte bi hevkariya komîteya Lihevanînê ya Meclîsa Jinê wê hemû dozên girêdayî jinê û bi taybet ên malbatî çareser bike.
Endama Komîteya Olî ya Karûbarên Jinan Şehnaz Mihemed diyar kir ku rola jinan di ol’an de diyarker e û bal kişand li ser rola hevjîna Hezretî Mihemed Hz. Ayşe û diyar kir ku Ayşe di mijarên malbatî û civakî de li cem hezretî Muhemed bi roleke girîng radibû…ANHA