Li kantona Şehbayê û tevahî herêmên Bakurê Sûriyê dema çinîna zeviyên ceh destpê kiriye. Cotkaran destnîşan kirin ku berhem îsal ji sedî 50 kêm bûye. Li kantonê embar û cihên depokirina genim û ceh nîne. Berê hemû genim li Efrînê dihate depokirin.
Jêdera jiyanê ya sereke ya piraniya şêniyên kantona Şehbayê çandiniye. Cotkarên katnonê ceh, genim, zebze û gelek cûreyên din ên çandiniyê diçînin. Şêniyên Şehbayê piştî aloziya Sûriyê berhemên xwe li katnona Efrînê difrotin.
Cotkarên Şehbayê dest bi çinîna zeviyên xwe yên ceh kirin. Ji ber barîna baranê îsal kêm bû, berhemên zeviyan pir kêm bû. Di heman demê de baran û lehiyên dereng hatin jî gelek ziyan li zeviyan kirin. Ev bû sedema ku berhem gelekî kêm bibe.
Berhem pir kêm e û cotkar ji vê yekê bi tirs in. Îsal berhem bi rêjeya berhemên genim kêm bûye. Ev bûye sedema ku bi tonan berhemên îsal ji zeviyên ceh, genim, kemûn, nok, fûl û herwekî din jî kêm bibe.”
Cotkarên herêmê destnîşan kirin ku xisarên wan ên îsal pir kêm bûye û di gelek zeviyan de mesrefa xwe dernexistiye. Cotkaran dane zanîn ku berhemên zeviyan îsal ji sedî 50 kêm bû ye.
Serokê Komîteya Çandiniyê ya Şehbayê Sibhî El-Ehmed derbarê mijarê de da zanîn ku berhemê ceh û genim a îsal gelekî kêm bûye û wiha dom kir: “Di heman demê de depoyên me nîn in ku em ceh û genim, depo bikin. Beriya niha me 18 hezar ton genim li kantona Efrînê depo dikirin…ANHA
Li Şehbayê çandinî îsal ne başe
