Komîteya Çandiniyê ya girêdayî Meclîsa El-Curniyê dest bi jimartina zeviyên çandiniyê dike û destûrên çandiniyê di çarçoveya alîkariya bi xebatên çandiniyê li herêmê de pêşkêşî cotkaran dike.
Li ser biryara Karîgeriya Çandiniyê ya girêdayî Rêveberiya Sivîl a Demokratîk a herêma Tebqayê, Komîteya Çandiniyê ya Meclîsa El-Curniyê dest bi jimartina zeviyên çandiniyê kir. Di encamê de hejmara cotkarên li ba komîteya çandiniyê hatine qeydkirin û destûr wergirtine 187 cotkarên El-Curniyê û gundewarên wê ne. Jimartina zeviyan hê jî berdewam dike.
Armanc ji vê yekê ew e ku tedbîrên qanûnê bêne standin û rêbazên alîkariya bi cotkaran re bêne hêsankirin, weke peydakirina tova çandiniyê, semad û sotemeniyê.
Li gorî Komîteya Çandiniyê dê ji bo her hektareke zeviyan 20 lître mazot û 400 kîlo seman peyda bike. Her wiha wê tova çandiniyê jî bi hemû cûreyên wê di herdu demsalên havîn û zivistanê de peyda bike.
Girêdayî mijarê Endamê Komîteya Çandiniyê ya bajaroka El-Curniyê Xalid El-Şihab axivî û diyar kir ku çalakiya qeydkirina cotkaran hê jî berdewam dike û wê li seranserî herêmê pêk were.
El-Şihab da zanîn ku ev çalakî dikeve xizmeta cotkaran da ku bi hêsanî alîkariya wan a çandiniyê were kirin û karibin berhemên xwe ya çandiniyê bi hêsanî bifiroşin…ANHA
Li Teqayê xebatên çandiniyê
