Jinên di nava MSD’ê de derbarê binpêkirin û destsrêjiyên dagirkeriya dewleta Tirk û çeteyên wê li Efrînê yên li ser jinan bang li rêxistinên navnetewî kir ku li dijî tun û tujiya li ser jinan bê deng nemînin û ew ê belgeyan radestî dadgeha navnetewî ya sûcan bikin.
Jinên Meclîsa Sûriyeya Demokratîk bi daxuyaniyekê bîlançoya binpêkirinên dewleta tirk li dijî jinên Efrînê hat eşkar kirin. Di daxuyaniyê de hat gotin ku di navbera du mehan de 119 jinên Efrînê hatine revandin û 6 hezar malbatên çeteyan li Efrînê hatine bicihkirin.
Bİ DEHAN JİN
HATİN REVANDİN
Derbarê mijarê de Rêvebira Meclisê Ebîr Hesaf got: “Dagirkerî li Efrînê kiryarên herî qirêj li dijî mirovahiyê dike, civaka navnetewî jî bêyî ku hincetekê nîşan bide bêdeng ma û maye. Ev bêdengî rê li ber dagirkirina herêmên din yê Sûriyeyê vedike.”
Ebîr serjimariya kiryarên dewleta Tirk û çeteyan vegot, “ 259 welatiyên sivîl di nav de 56 jin û 46 zarok şehîd bûn. Her wiha707 welatiyên sivîl birîndar bûne di nav de 104 jin û155 zarokin. Destdirêjî û bazirganiya jinan heta niha bêtirî 119 jin li Efrînê hatine revandin û bêtirî 200 hezar welatî ji Efrînê hatin koçberkirin, malbatên ji deverên din yên Sûriyê û taybet Gutaya Şamê li Efrînê bi cih kirin 6 hezarî ye.
BELGE WÊ RADESTÎ DADGEHAN BİKİN
Berdevaka Giştî ya Meclisa Jinên Sûrî Lîna Berkat diyar kir ku ew kiryarên dewelta tirk bi riya şahidan belge kirine û wê belgeyan radestî dadgehên sucê yên navnetewî bikin.”
Lîna guhertina demigrafî wek siyaseta parçekirinê diyarkir û wiha pêde çû “ armanca guhertina demografî parçekirina axa Sûriyê û siyaseteke tirkî kirinê ferz bikin.
Lîna di dawiya axaftina xwe de de bang li hemû saziyên navnetewî kir ku kiriyarrên derqanûnî yên Tirkiyê di asta navnetewî bê şermezarkirin û bê hesab nemîne û mîna. Her wiha komkujiyên ku dewleta tirk kirin û binbêkirinên mafê mirovan mîna sûcên şer bên destgirtin.
Ferîşt Nezîr