Çalakiya greva birçîbûnê ya li dijî tecrîda li ser Rêberê Gelê Kurd Abdullah Ocalan ku di 10’ê Kanûnê de li Kobanê dest pê kir didome. Hemû pêkahateyên herêma Firatê berê xwe didin konê greva birçîbûnê. Yek ji welatiyê Ereb yê ji navçeya Sirrînê Fîrdos Kino li bin kon axivî û got, “Serok Apo jin azad kirin, em ê jî ji bo azadiya wî têkoşîna xwe dewam bikin.”
Çalakiya greva birçîbûnê ya ji bo şermezarkirina tecrîda li ser Rêberê Gelê Kurd Abdullah Ocalan di roja xwe ya 4`emîn de li bajarê Kobanê didome.
Di 10`ê Kanûnê de konê greva birçîbûnê ji bo şermezarkirina tecrîda li ser Rêberê Gelê Kurd Abdullah Ocalan û piştgiriya hevseroka KCD`ê Leyla Guvan ku di zindana Amedê de ketiye greva birçîbûnê, li bajarê Kobanê hat vedan.
Hemû pêkahateyên herêma Firatê berê xwe didin konê greva birçîbûnê. Di roja 4`emîn de jî çalakiyê bi helbest û axaftinan dewam kir.
Yek ji pêkhateyên Ereb ji navçeya Sirînê Fîrdos Kino ku di bin kon de bû, bal kişand ser biratiya gelan û wiha got: “Serok Apo jin azad kirin, armanca me jî azadkirina wî ye. Em ê her li ber xwe bidin ta ku serok azad dibe. Me biryara azadkirina rêberê xwe daye û ji vê biryarê tu car venagerin.”…ANHA