Bazirganekî madeyên hişbir hatin girtin

Hêzên Ewlekariya Hundirîn a Minbicê roja sêşemê bazirganekî hişbirê tevî 5 kesên din ku pê re madeyên hişbirê hebûn, girtin.
Hêzên Ewlekeriya Hundirîn û Buroya Têkoşîna li dijî Sûcên Birêxistinkirî diyar kir ku derbarê kesên ku bazirganiya madeyên hişbirê dikin û vedixwin de agahî wergirtine û wan jî ji aliyê xwe ve dest bi lêkolînê kiriye. Buroya Têkoşîna li dijî Sûcên Birêxistinkirî bi hevkariya aliyên pêwendîdar, bazirganek ku li parka giştî ya Minbicê madeyên hişbirê difirot, girt.Endamên buroyê 5 kesên ku madeyên hişbirê ji bazirgan dikirrîn girtin ku bi wan re 21 hezar û 40 hebên hişbirê ji cureya capticole desteser kirin.
Operasyona Buroya Têkoşîna li dijî Sûcên Birêxistinkirî di çarçovaya hemleyên li dijî bazirganan û kesên ku hişbirê vedixwin de pêk hat.