Navenda Ragihandinê ya QSD‘ê ragihand ku di 24 saetên dawî yên Şerê Tunekirina Terorê de 29 çete hatin kuştin û 3 erebeyên bombebarkirî hatin bê bandorkirin.
Navenda Ragihandinê ya QSD‘ê bîlançoeya 24 saetên dawî yên Şerê Tunekirina Terorê eşkere kir.
Daxuyanî wiha ye:
“1-Eniya Baxoz: Şervanên me li gundê Sefaqinê bi desteka balafirên koalîsyona navdewletî bersiva êrîşkeke çeteyan ku erebeyên bombebarkirî û doçka û topên hawnê bi kar anîbûn, dan, di navbera şervanên me û terorîstan şer rûda, di encamê de hejmarek mezin çete hatin kuştin.
Hêzên me piştî şerên giran bi terorîstan re 1 km pêşde çûn, her wiha 9 nuqte girtin, paşê xebatên paqijkirina herêmê dane destpêkirin.
2-Eniya Hecîn: Hêzên me li vê eniyê erebeyeke bombebarkirî ya terorîstan teqandin beriya bighêje armanca xwe û 700 metre pêş de çû.
Şervanên me piştî şerên giran 8nuqte girtin û xebatên paqijkirinê dane destpêkirin, di encamê de miqdareke çek û cebilxane desteser kirin.
3-Bîlanço:
-Hejmara kuştiyên çeteyan: 29.
-Hejmara derbeyên balafirên koalîsyonê: 12.
-Hejmara nuqteyên hatin girtin: 17.
-Windahiyên terorîstan: 3 erebe û 3 motorsêklêtên bombebarkirî, navneda vegihînê û bargeheke cebilxane hatin rûxandin û alava pêwendiyan a Hîtra hate desteserkirin.